【引渡惡法】打好輿論戰! 眾籌G20登報召集人:繼續支持示威者先係Stand with HK

出版時間:2019/07/04 13:58

《蘋果》製圖
《蘋果》製圖


反送中運動至今數月,罷工罷課、遊行、登報爭取國際關注、衝擊立法會……下一步應該如何走?香港又是否仍有險可守?不少網民形容現時戰場已轉為「輿論戰」,着眼於示威者應否衝入立法會。早前在G20峯會召開前,有份協助在各地登報、呼籲各國「Stand with HK」的Tony指,「呢個形勢香港人更加應該支持佢哋(衝入立會的示威者),咁樣先係Stand with HK」。

7月1日晚上,反送中示威者衝入立法會,落地玻璃被打破、警察退守、特首凌晨4時譴責暴力。有人認為政府擺下「空城計」,好讓示威者衝入立法會,便可將輿論轉為「暴徒破壞立法會」。早前網民以兩日時間便成功眾籌逾600萬,並在多個國家及地區登報,打了一場漂亮的輿論戰。G20眾籌登報小組發起人Tony以個人身份接受訪問時亦坦言,登報輿論戰暫時未能複製到現時處境,扭轉一些人觀感,「只能夠講見步行步,be water,睇吓局勢發展成點而順流而行」。

對於示威者最終衝入立法會,Tony指過去香港政府一直無視港人訴求,「我絕對能夠理解其他手足嘅憤怒,我唔會譴責佢哋,相反,我相當支持」,並形容政府在3名反送中人士離世後仍無動於衷,「既然咩都做過但無效,倒不如豁出去放手一博」。他續指,青年人有勇氣做一些成年人覺得無可能的事,「衝嘅一班係社會嘅未來,一班95後、00後去追求佢哋崇高嘅理想」,強調事件始作俑者是政府而非市民。也許有些提倡「和理非」路線的人,會對打破玻璃窗衝入立法會有所保留,但Tony覺得,「我哋都係被壓迫者,大家都係香港人嘅身份,當佢哋不惜一切為香港奮戰嗰時,我哋點會去譴責同路人?」

至於現時輿論戰如何開打,Tony指明白不少港人習慣多年和平,「而家電視日日都會播出衝擊畫面,當然會令佢哋難以接受」,如果說服目標是中年「和理非」支持者,更應把握這次機會,「同佢哋講點解啲後生仔要做呢啲嘢,係因為而家個政府迫到佢哋咁樣,同時亦要畀佢哋知道,佢哋唔係無晒理性去衝」。

至於下一步應如何走下去,Tony指不論是眾籌登報、7.1於灣仔金紫荊廣場升黑旗、甚至衝入立法會,也是沒有「大台」統領,港人抗爭手法亦比以前靈活,「大家之後用咩形式同身份去抗爭係無人會知,因為大家都係因緣際會走埋一齊」。Tony亦寄語港人「手足一個都不能少,no one left behind,keep your hope and dream alive!大家一齊肩並肩走到最後,you will never walk alone!」

G20眾籌登報小組會在所有會計及法律程序完成後引退,但Tony堅信「他朝一日如果再有需要大家嘅時間,必定江湖再見」。

雖然港人眾籌登報暫告一段落,但加拿大免費報章《Westmount Independent》得知港人今次壯舉後,主動提出為港人刊登一則全版廣告。該廣告電子版本已經刊出;印刷版本則將於明日(5日)在加拿大東岸魁北克省Westmount地區免費派發。


-----------------------------
7月4日起 《蘋果動新聞》只限升級壹會員閱覽
繼續撐蘋果!

下載「蘋果新聞網APP


有話要說 投稿「即時論壇」