【香港人多謝你】徐天佑籲一日未死仲有希望 葛民輝貼咆哮相:我冇嘢講

出版時間:2019/07/04 13:57

IG圖片
IG圖片


6月連場反送中運動,藝人立場各異,黃耀明、何韻詩、葉德嫻、王宗堯等站上前線抗惡法,昨日葉德嫻的歌曲被大陸音樂平台下架;大台藝員只能以隱喻發聲,避免遭公司雪藏;而譚詠麟(阿倫)、鍾鎮濤(阿B)、梁家輝就為撐警站台,「九唔搭八」、「香港無得救」言論傷盡不少歌迷的心,怒碎阿倫和阿B的唱片洩憤。

港府一日未回應市民訴求,肯發聲的藝人仍未放棄爭取,葛民輝在社交網貼了一張咆哮的相片,寫道:「記住...我無嘢講」,網民留言激讚:「畫面有聲音,真心感謝為孩子們發聲」、「唔講....已經係最大嘅幫忙」、「阿葛!香港人多謝你,我無其他嘢講!」

之前將IG頭像轉黑悼墮樓者的徐天佑,昨晚寫道:「呢個六月絕對不平凡,亦很黑,好多嘅人和事都顯得更清楚,亦更黑,但路仍是要繼續行,遊戲有好多種玩法,呢樣唔得咪試另一樣囉,最緊要係繼續行落去,而遊戲好玩嘅地方,就係如何將負能量轉化為正能量,心態上隨你點諗,例如可以...粗俗啲電影感啲:『睇住嚟!我一日未死一日都仲有希望!!!』#正能量啊!」網民留言:「有啲人已被紅布蒙了雙眼,看到的結果以為是事實,卻不知過程,人心冷漠更可怕!」

十優港姐麥明詩就繼續以隱喻發聲,貼了一張潛水相,寫道:「潛水教曉我:鯊魚攻擊人類,不是因為想吃你,而是因為感到威脅而自衛。」網民留言讚:「其實比雷打到ge機率仲高過比鯊魚咬。不過好明顯妳唔係講更鯊魚。」、「有感而發,很喜歡你這比喻。」

-----------------------------
7月4日起 《蘋果動新聞》只限升級壹會員閱覽
繼續撐蘋果!

下載「蘋果新聞網APP


有話要說 投稿「即時論壇」