【拜年須知】苑瓊丹聚會避談八卦新聞 最忌親友係「大喇叭」

出版時間:2020/01/23 12:23



苑瓊丹為香港開電視《開工大吉77》拍攝短劇,主題竟然是預演初三「赤口」,苑仔在短劇中示範藝人拜年常見的情況,如被拜託幫手買演唱會門票、追問八卦新聞內情等,她說:「不時遇到親友叫我買飛,講真你當我係主辦單位多多都有咩,有時幫手買張飛要左撲右撲㗎!我亦唔會講八卦新聞內情,我會扮到乜嘢都唔知,親戚當中,事旦一個係『大喇叭』,我就慘啦。藝人朋友要跟我學番一招半式,睇吓點樣耍走班親戚,咁咪大家都開開心囉!」

苑仔還分享了如何避開年嗌交,她笑言:「我屋企人少,佢哋又唔八卦,所以從來唔會嗌交,我都同其他人唔會嗌交,同埋我每年都會用利是做『武器』,只要利是一出,誰與爭鋒?所以大家想年初三唔好赤口,最好就帶多幾封利是傍身,大家喜氣洋洋,就咩劫都化到啦!」苑仔表示近日工作忙碌,過年準備由老公負責:「我唔理呢啲嘢㗎,換錢、封利是,乜都係老公做晒,我係永遠唔知道自己派咗幾多封利是出去,同埋仲有幾多利是剩番,大家想收到我封利是,就嚟我家搵我老公啦!」

-----------------------------
想知今年愛情事業健康運勢?
十二星座運程指南點擊即睇!

-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇

下載「蘋果新聞網APP


有話要說 投稿「即時論壇」