【抗疫DIY】梁漢文教整消毒紙巾 網民嘆「酒精賣$400一支」分分鐘貴過買一包

出版時間:2020/02/14 13:11



武漢肺炎肆虐,大家的口頭禪都變了「兩盒,thx」,但其實除了一罩難求外,很多抗疫物資都非常短缺。梁漢文就決定DIY消毒濕紙巾,昨日在facebook拍片親自示範,留言:「非常時期,非常方法,今日同大家分享點樣自製消毒濕紙巾,唔使同人搶,唔洗捱貴買。」他在片中說:「我周圍買唔到,最後叫工人唔知銅鑼灣定灣仔先買到兩包返嚟,成為50蚊一包,真係有錢都未必買到,咁不如自己做嘞。」

梁漢文先教大家用化妝綿放入小盒內,將4份消毒酒精加入1份蒸餾水,他說:「酒精濃度係95%,但我嘅團隊調查過,原來最佳殺菌效果係75%,所以可以用蒸餾水開稀。」另外,他又拿出菜刀,將廚房紙切開,再教大家用1:99的滴露製作大張的消毒紙巾,方便家居清潔。不少梁漢文的fans都有留言,感謝偶像如此有心之餘,都不忘提醒:「非常有智慧,但酒精、滴露、紙也不易買到啊!要碰運氣,take care」、「酒精貴到得人驚,一係冇!」、「好正!偶像你有酒精,咁可以轉行賣消毒用品喇!呢期好吃香,take care身體健康啊,偶像n嫂嫂,情人節快樂!」還有網民爆料:「酒精都買唔到啦!尖沙嘴$400一支。」如以網民所講的價錢買到一支酒精,成本價分分鐘貴過買一包消毒濕紙巾。梁漢文今日回覆《蘋果》表示:「邊會400蚊咁貴,我喺銅鑼灣買,100一支,洛克道呀,快啲去買啦!一支可以整好大盒。」

另外,陳靜(Dada)日前亦獲朋友送贈「撳lift神器」,她說:「DIY防疫環保小幫手,材料是用完的唇膏和喝完的白酒紅酒木塞。」不用擔心用手直接接觸到電梯按鈕,感覺較安心。


-----------------------------
第三屆最港電影大獎
按此立即投票
-----------------------------

一按即玩

(facebook圖片)
(facebook圖片)

梁漢文好心教大家自製消毒濕紙巾(facebook圖片)
梁漢文好心教大家自製消毒濕紙巾(facebook圖片)

網民表示酒精難買(facebook圖片)
網民表示酒精難買(facebook圖片)

(facebook圖片)
(facebook圖片)

下載「蘋果新聞網APP


有話要說 投稿「即時論壇」