【元朗無警黑夜】元朗白衫 雙花紅棍打仔 老婆係女爵士

【元朗無警黑夜】元朗白衫 雙花紅棍打仔 老婆係女爵士

出版時間:2019/07/26 16:02



江湖之中,有位叔父輩「陳爵士」撈得風生水起、又搞地產、食肆,古惑仔對佢老人家都好「欽敬」。原來江湖上有位「阿嫂」都好威猛蒲咗上面,是為「張秀蓮女爵士」,Apple Cheung也。 佢兩公婆前日出現係FB匿名者白衣暴徒名單之中 ,佢老公胡學霖係跟勝和囝囝嘅,花朵為「日本仔」,早前因自認黑社會仲孭緊薄,file 都好花,05年有刑事損壞及襲擊致他人身體傷害,10年管有危險藥物、17年刑事損壞。元朗恐襲當晚,日本仔有份帶隊去打人,一顯其雙花紅棍打手之勇。所以出面做生意係佢老婆「張女爵士」,早前大搞虚擬貨幣,卡片印上馬爾他騎士團「女爵士」幾咁巴閉,兩公婆都係報住元朗八鄉上村,一睇地址咪就係「四眼民」嘅地頭囉 。「張女爵士」嘅香港虛擬貨幣平台, 早前自吹同高登有合作,稱之為「高登貨幣」又話同洗米華拍住上,不過通通冇晒下文,呢個虛擬貨幣交易平台,其中之一個新搞作,竟然就係HPV疫苗注射,HPV病毒也!

撰文:宗菁華


關鍵字

財經

財經

下載「蘋果新聞網APP


有話要說 投稿「即時論壇」