【股評界白色恐怖】批港鐵停駛累股價 被罵唯恐天下不亂 股評人:唔啱聽都要講

【股評界白色恐怖】批港鐵停駛累股價 被罵唯恐天下不亂 股評人:唔啱聽都要講

出版時間:2019/09/17 07:00



白色恐怖瀰漫,講股佬講句真話,都有壓力。

831儼如721翻版,港鐵內重演無差別打人事件,不同的是施襲者是身穿警服的公僕。此後,港鐵不時在罷工遊行公眾活動當日停駛。股評人譚朗蔚(Steven)本月初於網上貼文質問:「今年3月,你地响進行新信號系統測試既時候列車相撞;去年10月,荃灣、觀塘、港島同將軍澳線一度同時故障(史稱「大四喜」);同年3月,金鐘站扶手電梯冒煙、中環站漆黑一片。無論你有幾荒唐,香港人點對你?」他又狠批港鐵:「今日你既股價穿左半年底。點解呀?因為你背棄左七百萬人!係你決定關站、停駛,逼香港人唔搭你,逼投資者離棄你!所以你今日一跌,完完全全係咎由自取,自己攞黎!」

言論一出即招來話柄,「洗唔洗黑衣成咁!身位一位公眾人物發表呢野!好好一個股評人人唔做!」、「作為一個公眾股評人,帶上政治色彩出口幫暴徒指責公共事業,等同破壞」,留言充滿火藥味。

「係我心目中港鐵就應該開車載人嘅啫,好簡單!」他表示現在提及個別剛好牽涉政治的上市公司時,容易被扭曲成黃藍之分,他強調並非着墨在政治意見上面,只是單從企業管治上評論,「港鐵暫停佢地嘅服務,車費嘅收益係會減低,甚至乎佢另一業務地產,依家都有好多社會因素困擾。」

內地股市常與政治掛勾,每當A股大跌,就經常會有俗稱「國家隊」的中資入市維穩,去年要求內地經濟師簽署《首席經濟學家自律倡議書》,承諾「審慎發表研究觀點,積極傳遞正能量」,一切歌舞昇平。「我哋唔會話因為我哋愛國,所以要係A股或者熊市裏頭跌到二千點都失埋嘅時候,盲目地進場掃貨,我哋係散戶唔係國家隊。散戶嘅銀包銀紙有限,我哋要理性。」

他指不應當將政治與理性投資混為一談,「個別企業你去厭惡佢嘅行為作風,我都唔會叫你盲目去沽,因為呢個係錢嚟㗎!選股唔係一個政治的考慮,我都好強調選股同選個人一樣,選個人你知道佢叻之外,你仲要知道佢品行OK,選股你除咗知嗰間公司賺錢之外,你都知道佢作風有咩好定唔好。」

不過,從來政治就影響社會的各個環節。近日評級機構惠譽以一國兩制受考驗為由,24年來首次將香港信貸降級。穆迪昨日亦緊隨將香港評級展望下調至「負面」。Steven指在國際投資者及基金眼中,香港比中國內地更勝一籌的地方,在於法治、監管等架構下根本性之不同。「如果見到中央過分參與的話,會引起關注究竟一國兩制下,兩個系統之間分野是否仍清晰,甚至本地方面是否會走下坡。」

Steven的Facebook專頁現時獲逾2,5000人讚好,自點評港鐵後,他表示有人認為不中聽亦有人贊同,此消彼長下粉絲數目沒什麼變動。從事公司股評人四年,他領悟:「就算某啲人唔啱聽,其實都應該要堅持去講。」

中美貿易戰、反送中逆權運動持續,股市前景充滿不肯定因素。說到近期避險股,Steven認為內地經濟仍會「保六」增長,不外乎加強基建股及消費力內需板塊,因此在貿易戰底下,比較抗跌的會是一些中資、與衣食住行相關的內需股。「衣」,他推介體育用品股份,如安踏(2020)、李寧(2331);「食」,可選海底撈同系頤海國際(1579)、日清食品(1475)、華潤啤酒(291)及青島啤(168)等;「住」,有物業管理股如碧桂園服務(6098);「行」,就是一些較為穩定收益的公路、建設相關股份。

撰文:邱嘉幸

攝錄:林金展


下載「蘋果新聞網APP


有話要說 投稿「即時論壇」