【禁忌之林】買不到的口罩 是臭的(林忌)

【禁忌之林】買不到的口罩 是臭的(林忌)

出版時間:2020/02/14 13:18



「眾志賣口罩!竟然賣$98一盒!明明小明話口罩成本只需要兩毫子一個,點解

眾志賣貴十倍!一定係呃錢!」三失中年阿Bill,一路搞自己堂眉,一面咒罵

著。

「Come on,Bill,可否成熟一點呢?成40歲人講嘢,卻成個傻仔一樣!你住嗰

個大埔乜乜山莊,舊石屎只需要幾百蚊一呎,點解而家叫價萬三、四蚊呎?我

出原料價,你賣畀我呀?」

「成個白痴仔咁,唔怪得連紋眉都畀人搵笨,堂眉假到好似諧星一樣」、「得

把口,畀夠五毫子個你,幫我搵2,000盒返來呀?」、「ASTM Lv2嘅口罩,市價

$600盒,買口罩唔知價,嫌口罩貴?返去帶你嘅救救黑心口罩啦!」

「其實我真係好想問下班所謂建制派,佢地一日到黑自稱『建設』香港,鬧人

地搞搞震,點解而家黃之鋒買到口罩,杜汶澤又買到口罩,連E-Kids個MK阮民

安都買到口罩,更加唔使講王維基、李嘉誠!但係建制派呢?好似葉劉個黨?

入得嗰7,000個眾所鳩知,薄過0.01避孕套嘅口罩,話『來自日本』喎,上網一查

,點解寫住武漢生產嘅?真係比口罩就知執政能力啦!」

「連學生哥都買到口罩,佢地竟然買唔到,或者買咁少,或者買批次貨返來,

似乜嘢?平日仲叫人廢青?呢班就真係廢中廢老啦!」

「又話全球口罩都由中國生產?乜佢哋唔係有國家照咩?嗰個三失Bill,仲好

意思笑人哋口罩由中國生產,咁點解堆口罩,要先橫跨半個地球去美國,再橫

跨地球返香港呢?好人就咪葡萄人啦,仲葡萄過葡萄淑儀啦!」

「成班牛鬼蛇神魑魅魍魎全部仆倒晒出來,由陳雲到咩偽香港獨立黨,由三失

Bill到鬧民主派嗰堆Page,唔係為鬧而鬧,就係提埋一大堆弱智問題,例如問

賣口罩有冇『牌照』喎──佢地就想發牌啦!成班傻的嗎?仲支持口罩限價,

然後到時政府規定,發牌先可以賣口罩,於是好似選舉主任一樣,鍾意就批你

,唔鍾意就唔批你,你司法覆核我呀笨?繼續唱法治有險可守,over my dead

body 呀笨?」

「咪係囉,就算你戶口有八千萬,可以話你用八千唔知用來買毒品,四萬八唔

知用來做乜,然後就話你嗰八千萬都係黑錢!口罩限價後,呢頭就話你嗰張單

申報成本不符,嗰頭就話你提供嘅資料不足,然後拖你半年,都唔畀你批口罩

賣;當你即時打官司,打得贏都疫情過,口罩大跌價,咪蝕讓都冇人要囉,睇

你班民主派仲不斷入口罩咁過癮呀嗱?」

「所以話香港的議政水準,真係好鬼死低!咩《儲備商品條例》,白米就話有

得儲,你口罩全球都供應不足,點儲?儲在個倉發霉都唔畀賣,你話個炒價即

時要升幾多?至於限價啦喎,全靠出高價才有人大批入貨來香港賣,你個官方

售價仲低過出面收購價,到時你有錢都買唔到呀!」

「學限奶令得唔得?得,用《進出口條例》囉,硬性規定口罩離境必須報關,

限制大陸人透過香港轉運口罩返大陸,實做得架,問題係家下個777仲衰過

689,連封關都打死唔肯做,你話佢敢唔敢限制大陸人買口罩呀?咁講來係咪多

餘呀?」



「嘻!總之吃不到的葡萄是酸的,買不到的口罩是臭的!愛國愛港,就不要用

口罩!藍絲就要聽林鄭講,咪亂戴口罩!冇事嘅!相信政府,使乜驚呀?」


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

]

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤

下載「蘋果新聞網APP


有話要說 投稿「即時論壇」