【防疫不忘情趣】汪阿姐七彩look跑山強身 家英哥大嗌:跑姿好厲害

【防疫不忘情趣】汪阿姐七彩look跑山強身 家英哥大嗌:跑姿好厲害

出版時間:2020/02/23 15:19



72歲嘅汪阿姐活力十足,早排跟郭子豪學做gym,近日疫情嚴峻,佢就孖住老公家英哥「跑山」,喺屋企附近嘅山路緩步跑啫,藉此強身健體,作最佳防疫措施。

呢位活到老,fashion 到老嘅阿姐,連跑步look都潮過人,一身七彩真係非個個可以駕馭得到,但阿姐得囉!

呢日阿姐緩步跑,家英哥負責揸機拍,咪睇阿姐平日一副霸氣,對住老公真係千依百順,事關家英哥一邊幫老婆拍下步姿,一邊打氣:「快啲,快啲!」,聽到老公要求,阿姐即做,加快步速,果然好聽話。

其實兩公婆情趣就係你氹下我,我氹下你咁囉!家英哥之後嘅說話,更加明白佢當日點解可以將汪阿姐冰山劈開。「影埋後面,影后影后(此時汪阿姐已跑過他),嘩,跑姿好厲害!(阿姐正妸娜多姿地扭動)」

有個索老婆同窩心老公,夫妻情就係咁樣細水長流。

七彩跑步裝,係汪阿姐先搞得掂。
七彩跑步裝,係汪阿姐先搞得掂。

家英哥揸機拍,老婆一邊跑,佢一邊嗌:「跑姿好厲害。」情人眼裡,真係連跑步都覺得正。
家英哥揸機拍,老婆一邊跑,佢一邊嗌:「跑姿好厲害。」情人眼裡,真係連跑步都覺得正。

早排兩公婆去日本玩,唔知有冇掃埋口罩。
早排兩公婆去日本玩,唔知有冇掃埋口罩。

貪靚兼要潮嘅阿姐,錄影戴嘅口罩,都要襯番啲衫,唔型唔戴。
貪靚兼要潮嘅阿姐,錄影戴嘅口罩,都要襯番啲衫,唔型唔戴。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤

下載「蘋果新聞網APP


有話要說 投稿「即時論壇」