【回水一萬】收買唔到民心 林日曦:不如我畀返一萬你 你立即下台永遠消失

【回水一萬】收買唔到民心 林日曦:不如我畀返一萬你 你立即下台永遠消失

出版時間:2020/02/26 19:40



今日財爺宣佈人人派一萬(18歲以上香港永久居民),相信好多港人心知,「還富於民」只為政府挽回頹勢,畀隻靚牌建制派上。

係咪值得高興?至少袋住都好過畀政府亂揈!其實經歷咗大半年反修例運動嘅種種不公義同迫害,港人嘅心邊有咁易收買得起。林日曦就唔稀罕,喺社交網提出四個回水訴求。

「不如我畀返一萬你

你時光倒流兩個月去封關

不如我畀一返一萬你

你時光倒流八個月去回應訴求

不如我畀返一萬你

你還返嗰啲失去嘅生命出嚟

不如我畀返一萬你

你立即下台永遠消失」

此文一出,當然好多網友留言認同。而財政預算案出爐前一晚,林日曦無拿拿將一把頭髮剃去,變李澤楷skinhead。佢話:「剷咗skinhead了,感想:精…神…氣。」,唔少朋友如柳俊江都問點解?咁又睇前多一日,林日曦喺社交網為剃頭解畫,佢話剪skinhead係由細到大都好想做,但一直都冇機會做嘅心願。而家武漢肺炎肆虐,少咗出街見人,所以而家唔試仲等幾時。咁又係,就算衰咗,都冇乜人睇到。

林日曦喺預算案推出前一日,佢作出一個舉動。
林日曦喺預算案推出前一日,佢作出一個舉動。

剃頭轉skinhead,好多網民發現佢原來好多白頭髮。
剃頭轉skinhead,好多網民發現佢原來好多白頭髮。


----------------------------

【壹週刊 武漢肺炎專頁】

緊貼防疫資訊!口罩訂購情況、確診個案、病徵潛伏期、封關國家名單、保險點賠?

與你遠離瘟疫 睇清官謊!

立即睇

-----------------------------

【壹週刊直播平台 ChannelNEXT】

專家教你自保攻略|口罩點揀|防疫點做

立即睇

-----------------------------

疫情追蹤,最新消息,Follow 壹週刊Telegram:

點擊追蹤

下載「蘋果新聞網APP


有話要說 投稿「即時論壇」