【離婚剖白|為婚外情認錯】暗示同魏駿傑六年冇夫妻性生活 張利華:我同佢都痛苦

【離婚剖白|為婚外情認錯】暗示同魏駿傑六年冇夫妻性生活 張利華:我同佢都痛苦

出版時間:2020/06/02 00:01



52歲魏駿傑與重慶嫩妻張利華的婚姻,隨住2015年被揭現裂痕,自始屢傳婚變。直至今年初本刊發現仍是人妻的她,與外籍Banker交往,她跟魏駿傑十二年的婚姻正式劃上句號。

今日脫下人妻包袱,重新開始,張利華決心剖白:「我諗咗好耐,覺得應該要正面去面對問題,而且咁多年嚟嘅報道,有啲事實被扭曲咗。」

婚姻破裂,她強調:「一隻手掌係拍唔響。」言下之意,不是她一個人的錯,魏駿傑都要負責任。

「喺正常嘅夫妻關係上面,我哋已經五、六都冇……」她欲言又止。

問她所指的「冇」,是否包括夫妻的性生活?張利華並沒否認。今年才32歲,即是26、7就被「齋戒」。

 張利華剖白中,認為自己做得最錯的地方,是離婚的拖延,她以: 「如人飲水,冷暖自知。」形容與由與魏駿傑破裂了的12年婚姻。
張利華剖白中,認為自己做得最錯的地方,是離婚的拖延,她以: 「如人飲水,冷暖自知。」形容與由與魏駿傑破裂了的12年婚姻。

 與老外Banker的婚外情,張利華反省:「今次事件上,我一定有錯,時間上係處理得唔好,應該結束(婚姻)後先至開始。」,據知關係曝光後,二人亦告一段落。
與老外Banker的婚外情,張利華反省:「今次事件上,我一定有錯,時間上係處理得唔好,應該結束(婚姻)後先至開始。」,據知關係曝光後,二人亦告一段落。

與魏駿傑婚姻破裂,她說箇中因由:「如人飲水,冷暖自知。」自揭夫婦關係早已名存實亡。她認為自己做得最錯的是拖延,遲遲沒離婚。

她強調15年與單車手鄧宏業傳出緋聞前,夫妻關係已近冰點。至於與外籍Banker的婚外情,張利華自言絕對有反省:「今次事件上,我一定有錯,時間上係處理得唔好,應該結束(婚姻)後先至開始。」

 她說雖二人於六年前關係已近冰點,走到今日無法修補,但她感激前夫在過去十多年,生活上讓她從無缺乏。
她說雖二人於六年前關係已近冰點,走到今日無法修補,但她感激前夫在過去十多年,生活上讓她從無缺乏。

 婚姻破裂,她強調:「一隻手掌係拍唔響。」言下之意,不是她一個人的錯,魏駿傑都要負責任。
婚姻破裂,她強調:「一隻手掌係拍唔響。」言下之意,不是她一個人的錯,魏駿傑都要負責任。

既然十二年的婚姻早就無可挽救,為何一直拖延?

「人係好怕改變,因為真係唔捨得個女。當時冇呢份勇氣去面對,始終小朋友只得九歲,年紀仲細,想畀佢一個完整家庭。」但完整的假象,根本沒為任何一方帶來好處。

「近幾年我同佢都痛苦,小朋友係當中一個橋樑,連繫住我哋,但我知道呢件事遲早都要面對。以前有啲分歧大家仲可能會嘈交,但到後期大家都唔再嘈,開始逃避。我會一個人去做運動,抒發壓力。佢就將全副心機放喺女兒身上。」

夫妻間早已零溝通,「最多都係討論女兒學習或者功課上,點樣安排起居飲食,大家過得一日得一日。」

 當日結婚,女的20歲, 男的40歲,這段相距廿年的老夫少妻,張利華說年齡差距
當日結婚,女的20歲, 男的40歲,這段相距廿年的老夫少妻,張利華說年齡差距

 張利華說,二人後期已為相處問題逃避解決,男的將視線完全轉移在女兒身上,她則選擇狂參予運動,抒發減壓,逃離如戰場的家庭。
張利華說,二人後期已為相處問題逃避解決,男的將視線完全轉移在女兒身上,她則選擇狂參予運動,抒發減壓,逃離如戰場的家庭。

夫妻關係淡薄到沒性生活,有否主動溝通,希望回復「正軌」?

「起初有諗過係咪自己邊一方面做得唔好,大家溝通兩三次之後,佢好似都唔係太願意講,有時候就算你想溝通,但都要對方配合。所以最後講咗幾次之後無下文,就更加無再提起。」

她自覺被冷待,「佢將焦點完全放喺個女身上,其他人好似都變得唔重要,我諗係因為咁樣失去平衡。」

張利華暗示在這段婚姻中,寂寞難耐。

「情感上冇得到關心,我覺得自己情感上缺失好多,我作為一個女人,都希望有人愛錫,可能佢意識唔到,只將全副心機放喺個女身上。」

張利華雖說情感上被忽略,但生活上,魏駿傑讓她非常豐足。「呢方面感激佢,十幾年嚟都照顧得我好好。」

 張利華說,二人後期已為相處問題逃避解決,男的將視線完全轉移在女兒身上,她則選擇狂參予運動,抒發減壓,逃離如戰場的家庭。
張利華說,二人後期已為相處問題逃避解決,男的將視線完全轉移在女兒身上,她則選擇狂參予運動,抒發減壓,逃離如戰場的家庭。

 她說自己性格好動,跟前夫愛靜是南轅北轍。有運動細胞,曾在中港台三地參加不少三項鐵人賽。
她說自己性格好動,跟前夫愛靜是南轅北轍。有運動細胞,曾在中港台三地參加不少三項鐵人賽。

她堅稱兩夫婦早已分房瞓,關係與分居無異。不過,17年魏駿傑投資的泰菜餐廳開幕上,夫婦就在傳媒面前咀嘴慶賀;翌年二人到加拿大度歲,在fb發放拖手照,難道那時「迴光返照」?

她解釋:「其他人只係見到相片表面,以前每年都會去滑雪,嗰時同一班朋友過新年,影相時當然好開心。當時關係有好轉,只係之後再次變差。」

 張利華說六年前夫妻關係結冰,但18年二人還在加拿大拖手度歲,她解畫當時關係稍緩和,於是跟一班共同朋友去旅行,但之後又變差,無可挽救。
張利華說六年前夫妻關係結冰,但18年二人還在加拿大拖手度歲,她解畫當時關係稍緩和,於是跟一班共同朋友去旅行,但之後又變差,無可挽救。

 17年在餐廳開幕公開sweet,張利華都係嗰句:「表面啫!」
17年在餐廳開幕公開sweet,張利華都係嗰句:「表面啫!」

當年下嫁魏駿傑,她只得20歲,女兒出世時,她才23歲。她說相距二十年的老夫少妻,問題近年陸續浮現,由生活作息、心態,以至價值觀都不協調。

「咁多年嚟,大家嘅性格都好唔夾,佢鍾意靜,我就好動,溝通愈來愈難。年齡上都有差距,導致雙方嘅路向愈行愈遠,佢(依家)已有一種退休心態。我今年32歲,喜歡學習,增值自己,所以大家想法有好大分別。」

魏駿傑將生活重心放在女兒身上,「佢夜晚八點半就瞓覺,四點半起身,所以大家生活方式好唔同。佢起身煮早餐畀個女食,就算屋企有工人,都唔會假手於人,呢方面佢真係好好。」

人漸成熟見識多,她直言價值觀與追求都不同了,她已不再是20歲的那個她,亦不甘當家庭主婦。

「人會不斷成長嘛,人生經歷愈嚟愈多,會更知道自己想要點樣嘅生活。我覺得自己學習同工作之餘,都可以兼顧家庭,但佢就唔係好想,希望老婆日日坐喺屋企。」性格南轅北轍,加上老夫少妻的差距矛盾,52歲的退休步伐,與32歲的發力拚搏,這個結合或許早已註定是失敗。

夫妻正式分道揚鑣,她說雙方都得到解脫。魏駿傑在fb發表心跡:「餘生,去愛一個能給你動力的人,而不是消耗你的人。」

張利華則說:「我哋依家好似朋友咁,就算唔可以行落去,都唔想成為敵人,只係緣份已盡,所以無辦法行落去。」

各走各路,魏駿傑準備賣掉西貢愛巢,父女相依下去。但他恩待張利華,豐厚的贍養費顯出胸襟,張利華承認:「贍養費方面佢有做足。」

 各走各路,魏駿傑準備賣掉西貢愛巢,父女相依下去。但他恩待張利華,豐厚的贍養費顯出胸襟,這點女方亦承認。
各走各路,魏駿傑準備賣掉西貢愛巢,父女相依下去。但他恩待張利華,豐厚的贍養費顯出胸襟,這點女方亦承認。

女兒最初不接受父母分開,張利華說:「我同佢解釋,爸爸媽媽只係換另一種方式生活,但我哋依然愛你。經過心理輔導,佢依家接受咗。」

過往被指「唔湊女」,原來張利華一直耿耿於懷。

「大家喺圈外,唔會知道圈內發生咩嘢事情。佢係花咗好多心機,但亦唔代表我冇照顧女兒。佢平日返內地工作,期間就由我照顧個女起居飲食,安排所有事情,所以我係有盡量做好媽媽責任,依家亦每星期同個女見面。」

年前魏駿傑買千六萬西貢大屋,被指藉聯名持有留住她,對此張利華有點激動說:「呢個唔係事實,未發生嗰啲事(跟鄧宏業傳緋聞)之前,大家已經有共識換一間大屋,等小朋友住得更舒適,而且早已落訂。同時係咪開心、幸福,同一間屋大細根本無關。」

至於被揭她去制服派對,張利華自辯:「當時係聖誕節,我有位朋友要求每次食飯都要有dress code主題,我其實真係配合佢哋,特登喺淘寶買咗嗰套衫。我都有邀請過佢(魏駿傑),但佢好深閨,九點已經打呵欠,佢唔想掃興,寧願留喺屋企,咁漸漸有啲朋友聚會變咗只有我自己出席。」

 被揭參加制服派對,張利華自辯:「當時係聖誕節,有位朋友要求每次食飯都要有dress code主題,我其實真係配合佢哋,特登喺淘寶買咗嗰套衫。」
被揭參加制服派對,張利華自辯:「當時係聖誕節,有位朋友要求每次食飯都要有dress code主題,我其實真係配合佢哋,特登喺淘寶買咗嗰套衫。」

52歲失婚,魏駿傑痛得斬釘截鐵說:「終身不娶!」

張利華卻對未來充滿盼望,「若將來遇到合適的人,我唔排除會再婚。我想有一個事業,有自己嘅價值,同埋有人錫,有一個幸福家庭。」

從事理財策劃的她,說要為尋回自己的價值而努力。

「依家重新調整自己心態,安排生活,重新出發,希望將以前做運動嘅精神同毅力,放喺工作上,有能力喺社會上生存。」回復單身,張利華比以前更進取。

事後就張利華剖白,問返魏駿傑,不過他對前妻所講的一切,都話:「唔回應!」

採訪:S.L

攝錄:LL Production House

 決定離婚後,魏駿傑曾在fb表心跡。52歲失婚,他痛得說:「終身不娶。」,只有32歲的張利華,則說遇上合適對象,不排除再婚。
決定離婚後,魏駿傑曾在fb表心跡。52歲失婚,他痛得說:「終身不娶。」,只有32歲的張利華,則說遇上合適對象,不排除再婚。

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!

下載「蘋果新聞網APP


有話要說 投稿「即時論壇」