【為制服派對自辯】張利華力證有盡媽咪責任:我陪佢打波跑步

【為制服派對自辯】張利華力證有盡媽咪責任:我陪佢打波跑步

出版時間:2020/06/02 00:05



張利華與魏駿傑昔日在名存實亡的婚姻,同一屋簷下,各有各生活,而傳媒影到的,十居其九是父女親子畫面,張利華因此被指「唔湊女」及「唔黐家」,對於過往背上這些指控,她一直耿耿於懷:「大家喺圈外,唔會知道圈內發生咩嘢事情。我哋亦有自己嘅家庭相處方式,會分工合作去照顧個女。的確佢係花咗好多心機,但亦唔代表我無照顧女兒。佢平日返內地工作,期間就由我照顧個女起居飲食,安排所有事情,所以我係有盡量做好媽媽責任。」離婚後她每星期跟女兒見面。

 好動的張利華,考穫健身教練牌、船牌,又參加過單車及三項鐵人賽,運動細胞強。
好動的張利華,考穫健身教練牌、船牌,又參加過單車及三項鐵人賽,運動細胞強。

 三項鐵人亞洲盃冠軍。
三項鐵人亞洲盃冠軍。

熱愛運動,張利華曾於中港台三地出戰三項鐵人賽均奪獎,女兒受她感染,田徑、Golf、滑雪皆精,母女親子活動都圍繞運動上。「爸爸會專注喺佢嘅功課上,運動方面,我對佢嘅影響都好大。例如每年都會帶佢去滑雪,同時會打網球同跑步,所以女兒跑步成績都唔錯。」母女間一直親密,離婚後她說每星期都跟女兒見面。

 女兒遺傳她的運動細胞,田徑、網球、golf皆精。
女兒遺傳她的運動細胞,田徑、網球、golf皆精。

 她說昔日為逃避與魏駿傑的磨擦,專注單車訓練,忘記在婚姻中不快。
她說昔日為逃避與魏駿傑的磨擦,專注單車訓練,忘記在婚姻中不快。

 母女親子活動,放狗!
母女親子活動,放狗!

 疫情不用上學,母女郊遊。
疫情不用上學,母女郊遊。

被揭她去制服派對,張利華亦要申訴:「當時係聖誕節,有個朋友好鍾意聚會玩dress code,所以要求每次食飯都要作主題打扮,我其實真係配合佢哋,特登在淘寶買咗嗰套衫,嗰次係私人party,唔知點解啲相會流出。」

問她當時仍是老公的魏駿傑,介不介意她去制服派對,張利華說:「佢知架,我都有邀請過佢,但佢依家好深閨,鍾意留喺屋企,煮下飯睇下戲,陪下個女,唔想去應酬。同埋佢生活作息,好早瞓覺,九點已經在打呵欠,成班朋友食得好開心,但佢唔想掃興,所以佢寧願喺屋企,咁漸漸有啲朋友聚會,變咗只有我自己出席。」

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!

下載「蘋果新聞網APP


有話要說 投稿「即時論壇」