【劈腿前科】高海寧男友鄧智偉一踏三船 背正印嗒樂瞳hurt楊秀惠

【劈腿前科】高海寧男友鄧智偉一踏三船 背正印嗒樂瞳hurt楊秀惠

出版時間:2020/06/03 18:53
憑住豐滿上圍,高Ling選完港姐好快登上咪神地位,更一度傳出是殼王寵將,之後鄧智偉成功將她私有化。
憑住豐滿上圍,高Ling選完港姐好快登上咪神地位,更一度傳出是殼王寵將,之後鄧智偉成功將她私有化。



33歲高海寧(高Ling),雖然擁有魔鬼身材同索樣,一副咪神格,但唔等於得到情人專一寵愛,仲遭背叛。

佢同前無綫音樂總監,又係林峯同吳卓羲「兄弟」44歲鄧智偉拍拖五年,由地下情去到近年關係「放寬」半浮面,以為感情穩定,點知鄧智偉背住佢偷食,搭上失婚婦沈小姐,男方仲俾沈小姐指發死亡恐嚇,鬧到要報警,呢段桃色糾紛分分鐘要對薄公堂。

其實高Ling男友鄧智偉背正印偷食唔係今時今日,咪睇佢一副其貌不揚,但憑住佢音樂同識氹女嘅雙料「才華」,有傳佢過往已經係「小豬」羅志祥2.0,一腳踏幾船,時間管理非常有道。

 鄧智偉雖然其貌不揚,但憑音樂才華同氹女有計,除正印,感情生活多散戶。
鄧智偉雖然其貌不揚,但憑音樂才華同氹女有計,除正印,感情生活多散戶。

 在大台做音樂總監時候,同林峯稱兄道弟,仲為對方唱片任監製。
在大台做音樂總監時候,同林峯稱兄道弟,仲為對方唱片任監製。

據悉當日掛住無綫音樂總監排頭,又係高層樂易玲愛將,林峯嘅唱片監製,鄧智偉喺大台「獵食」手到拿來。有拍拖於微時,任職洋服店嘅正印阿寶,但同時鄧智偉溝掂楊秀惠,並喺天后租咗愛巢,同『被第三者』嘅楊秀惠半同居。「智偉入行前,已經同阿寶拍拖。因為佢喺佐敦有個studio,加上當時已經係大台音樂總監,好多project做,所以成日有藉口話喺公司或studio做到天光,查實去咗天后陪楊秀惠。

佢呢方面好叻架,兩頭瞞啲女又信。阿寶同楊秀惠都唔知大家嘅存在。之後二加一,同時間應付三個都得。」知情者爆。

 據知楊秀惠昔日戀上鄧智偉時,並不知他有正印,更不時樂瞳加入,直至發現他劈腿,即狠撇情投孫耀威。
據知楊秀惠昔日戀上鄧智偉時,並不知他有正印,更不時樂瞳加入,直至發現他劈腿,即狠撇情投孫耀威。

呢位第四者,就係一直好想做歌手嘅樂瞳。雖然鄧智偉獵女無數,但「辣椒格」嘅樂瞳,跟花弗鄧智偉互相制衡。「由二變三,智偉再喺汀九租多個單位,做佢同樂瞳嘅私竇。智偉之所以分身有術,因為好多時搵肥仔助手韋雄同佢做『時間證人』,咪次次都過到骨。

佢一個星期要應付正印阿寶,秀惠同樂瞳,仲要應酬樂小姐同音樂工作,都咪話唔攰,不過佢就係有呢個本事,喺佢感情世界,女友數目經常有升有跌,又多散戶。

不過07年秀惠知道原來佢有正印,自己「被小三」就好嬲,加上當時Eric(孫耀威)追緊佢,於是狠撇智偉,同Eric(孫耀威)一齊。」知情者續說。

 同樂瞳拍拖時,鄧智偉其實有圈外女友同圈中楊秀惠,一腳踏三船。
同樂瞳拍拖時,鄧智偉其實有圈外女友同圈中楊秀惠,一腳踏三船。

 鍾意唱歌嘅樂瞳,一度希望男友鄧智偉幫到佢入樂壇發展,但最後二人吵架打交分埋手。
鍾意唱歌嘅樂瞳,一度希望男友鄧智偉幫到佢入樂壇發展,但最後二人吵架打交分埋手。

近日鄧智偉被搭上嘅失婚婦沈小姐爆,指男方曾透露最愛係樂瞳,不過二人拍拖時試過大打出手。知情者說:「樂瞳當日同智偉一齊,都係想幫到自己出唱片,當然最後都冇!智偉「冇停口」,你估樂瞳聞唔到味咩!兩個成日為啲事嘈,仲打起交嚟,呢場『大戰』,咪就係依家嗰個沈小姐所講,女嘅扯佢頭髮,男嘅掌摑還拖。」

身材澎湃係佢杯茶,據知鄧智偉早對08年港姐落選高Ling「虎視眈眈」,視為女神的迷戀。出道不久的高Ling先傳出是殼王新寵,被安排做「晶女郎」,演出王晶的電影,鄧智偉幾經辛苦,先將咪神高Ling追到,成功私有化,拍拖五年,可惜劈腿本性不改,有咪神女友仍未心足,結果一鑊粥。

 高海寧選港姐跟馬賽同屆,不過最後三甲不入,有指鄧智偉當時已對大胸高Ling流晒口水,視為女神。
高海寧選港姐跟馬賽同屆,不過最後三甲不入,有指鄧智偉當時已對大胸高Ling流晒口水,視為女神。

 感情遭背叛,高Ling近日剪短頭髮,要畀自己重新開始。
感情遭背叛,高Ling近日剪短頭髮,要畀自己重新開始。

----------------------------

APP 內訂閱 《壹週刊》

1Click 搞掂 輕鬆簡便

按此了解更多

-----------------------------

【《壹週刊》昔日紙本檔案庫】

30年壹仔經典 壹壹重現!

下載「蘋果新聞網APP


有話要說 投稿「即時論壇」